क्रांतीचिराग न्यूज

२४ तासात दरोड्यातील ४ आरोपी अटक  सांगोला पोलिसांची मोठी कामगिरी         सांगोला (क्रांतीचिराग): सांगोला पोलीस ठाण्याने दरोड्याच्या गंभीर गुन्ह्याचा अवघ्या २४ तासांत उलगडा करत चार आरोपींना अटक केली आहे. या जलद व प्रभावी कारवाईमुळे पोलिसांच्या कार्यक्षमतेचे सर्वत्र कौतुक होत आहे.         दि. २१ मार्च रोजी रात्री सुमारे ११ वाजण्याच्या सुमारास सांगोला–पंढरपूर मार्गावरील पुलाजवळ ही घटना घडली. फिर्यादी दिलीप भागोजी पाटील (वय ५८, रा. चिंचवड, जि. कोल्हापूर) हे आपल्या वाहनाने जात असताना, काळ्या रंगाच्या विना नंबरच्या थार गाडीतील चार अनोळखी इसमांनी त्यांच्या वाहनाला अडवले. “कट का मारला” या कारणावरून वाद घालत आरोपींनी त्यांना दमदाटी व शिवीगाळ केली.        यानंतर आरोपींनी गाडीतील डिकीत ठेवलेल्या दोन बॅगांपैकी एका बॅगेतील सुमारे २ लाख ५० हजार रुपये रोख रक्कम, चालकाचे दोन मोबाईल फोन तसेच फिर्यादीच्या पत्नीचे आधारकार्ड, पॅनकार्ड व विविध बँकांचे एटीएम कार्ड जबरदस्तीने चोरून नेले. या प्रकरणी सांगोला...

       घरगुती गॅस सिलेंडर वितरणात गैरप्रकार खपवून घेणार नाही, गॅस एजन्सी चालक मालक बैठकीत पोलीस निरीक्षक विनोद घुगे यांचा इशारा    सांगोला (क्रांतीचिराग):अमेरिका–इराण युद्धाच्या पार्श्वभूमीवर देशभरात इंधन व घरगुती गॅस पुरवठ्याबाबत खबरदारी घेतली जात असताना सांगोला तालुक्यातही प्रशासन सतर्क झाले आहे. त्याच अनुषंगाने आज दि. १३ मार्च २०२६ रोजी सांगोला पोलीस ठाणे येथे पोलीस निरीक्षक विनोद घुगे यांच्या अध्यक्षतेखाली सांगोला पोलीस ठाणे हद्दीतील सर्व घरगुती गॅस एजन्सी चालक व मालकांची महत्त्वपूर्ण बैठक आयोजित करण्यात आली. या बैठकीत नागरिकांना घरगुती गॅस पुरवठा सुरळीत व पारदर्शक पद्धतीने व्हावा यासाठी विविध सूचना देण्यात आल्या. गॅस सिलेंडरचे वितरण केवळ अधिकृत बुकिंगधारकांनाच त्यांच्या बुकिंगनुसार करावे, कोणत्याही परिस्थितीत नियमबाह्य पद्धतीने गॅस सिलेंडर विक्री करू नये, असे स्पष्ट निर्देश देण्यात आले.       तसेच काही ठिकाणी गॅस सिलेंडरची साठेबाजी करून जादा दराने विक्री करणे, अनधिकृतपणे सिलेंडरचा पुरवठा करणे किंवा एजन...

सांगोला पंचायत समितीच्या सभापतीपदी भाजपच्या पूनम इंगवले तर उपसभापतीपदी शिवसेनेचे अजय सरगर  तब्बल ५५ वर्षानंतर सांगोल्यात सत्तांतर ; पालकमंत्री जयकुमारभाऊ गोरे यांचे ऑपरेशन लोटस यशस्वी         सांगोला (क्रांतीचिराग) : शेतकरी कामगार पक्षाचा बालेकिल्ला अशी ओळख असणाऱ्या सांगोला पंचायत समितीच्या तब्बल ५५ वर्षांच्या एकहाती सत्तेला भारतीय जनता पार्टी आणि शिवसेना महायुतीने सुरुंग लावला. सभापतीपदी भाजपच्या पुनम इंगवले तर उपसभापतीपदी शिवसेनेचे अजय सरगर यांची निवड करण्यात आली. गुरुवार दि. १२ मार्च रोजी सांगोला पंचायत समिती येथे पार पडलेल्या सभापती आणि उपसभापती पदासाठी झालेल्या निवडीत महायुतीच्या सभापती आणि उपसभापती पदाच्या दोन्ही उमेदवारांनी ८ विरुद्ध ६ असा दणदणीत विजय मिळवला.  सभापती आणि उपसभापती निवडीच्या निमित्ताने जिल्ह्याचे पालकमंत्री जयकुमारभाऊ गोरे यांनी सांगोल्यात राबविलेली "ऑपरेशन लोटस" ही मोहीम यशस्वी ठरली आहे. ही मोहीम राबविण्यात भाजप नेते बाळासाहेब एरंडे आणि भाजपचे जिल्हाध्यक्ष चेतनसिंह केदार यांची भूमिका महत्त्वपूर्ण राहिली आह...

पालकमंत्री जयकुमारभाऊ गोरे यांच्या नेतृत्वाखाली सांगोल्यात "ऑपरेशन लोटस" मोहीम यशस्वी  दिपकआबा साळुंखे पाटील यांच्या उपस्थितीत तीन पंचायत समिती सदस्यांचा भाजपमध्ये प्रवेश            सांगोला (क्रांतीचिराग):  गुरुवार दि. १२ मार्च रोजी सांगोला पंचायत समितीच्या सभापती आणि उपसभापती निवड पार पडणार आहेत. तत्पूर्वीच सोलापूर जिल्ह्याचे पालकमंत्री जयकुमारभाऊ गोरे यांनी जोरदार राजकीय मास्टरस्ट्रोक खेळत सांगोला तालुक्यात प्रथमच "ऑपरेशन लोटस" मोहीम यशस्वी करून माजी आमदार दिपकआबा साळुंखे पाटील यांच्या तिन्ही पंचायत समिती सदस्यांचा भाजपमध्ये प्रवेश करून घेतला आहे. मुंबई येथे पालकमंत्री जयकुमारभाऊ गोरे यांच्याहस्ते आणि दिपकआबा साळुंखे पाटील यांच्या उपस्थितीत हा पक्ष प्रवेश संपन्न झाला.          सांगोला पंचायत समिती सभापती उपसभापती निवडीच्या पार्श्वभूमीवर पालकमंत्र्यांच्या निवासस्थानी पालकमंत्री जयकुमारभाऊ गोरे, तालुक्याचे माजी आमदार शहाजीबापू पाटील, भाजपचे नेते बाळासाहेब एरंडे, भाजपचे जिल्हाध्यक्ष चेतनसिंह केद...

संगेवाडीच्या महिला मंडलाधिकारी विजया नाईक लाच-लुचपतच्या जाळ्यात  ७०००/ ची लाच स्वीकारताना रंगेहाथ   सांगोला (क्रांतीचिराग): काल गुरुवार दिनांक ५ मार्च रोजी सांगोला तालुक्यातील संगेवाडी मंडलच्या महिला मंडल अधिकारी श्रीमती विजया महारुद्र नाईक या सात हजार रुपयाची लाच स्वीकारताना सोलापूर येथील लाचलुचपत प्रतिबंधक विभागाच्या जाळ्यात अडकल्या आहेत .सोलापूर लाचलुचपत प्रतिबंधक विभागाने काल सांगोला तालुक्यात ही कारवाई केली आहे. त्यामुळे महसूल विभागात मोठी खळबळ उडाली आहे. तक्रारदार सातपुते यांच्या आईच्या नावाने खरेदी केलेल्या जमिनीच्या खरेदी दसतावरील नोंद सातबारा उताऱ्यावर  करण्यासाठी महिला मंडल अधिकारी विजया नाईक यांनी तक्रारदार सातपुते यांच्याकडे १०,०००/- रुपये लाचेची मागणी केली होती मंडल अधिकारी विजया नाईक यांचे खाजगी वाहन चालक वैभव मोरे रा .मुंडेवाडी ता पंढरपूर यांनी तडजोडी अंती ७०००/-  रुपयांची लाच स्वीकारली असता सदरची तक्रारदार सातपुते यांच्या कडून स्विकारलेली ७०००/ रुपयाची लाच  महिला मंडल अधिकारी विजया नाईक यांचे सांगण्यावरुन स्विकारल्याने...

*सांगोला गटविकास अधिकाऱ्यांविरोधात मागासवर्गीय ठेकेदारांचे १७ फेब्रुवारी पासून बेमुदत आंदोलन सुरू*   *आठवड्यानंतरही प्रशासन सायलेंट मोडवरचं..* सांगोला (क्रांतीचिराग):  तालुक्यातील मागासवर्गीय ठेकेदारांनी दिनांक १७ फेब्रुवारी पासून सांगोला तहसील कार्यालयासमोर बेमुदत धरणे आंदोलन सुरू केले असून सदरचे आंदोलन सांगोला पंचायत समितीचे गटविकास अधिकारी उमेशचंद्र कुलकर्णी, संबंधित विस्तार अधिकारी, ग्रामविकास अधिकारी, ग्रामपंचायत अधिकारी व संबंधित दोषींवर कायदेशीर कारवाई करण्यात यावी या मागणीसाठी तालुक्यातील मागासवर्गीय ठेकेदार , सुशिक्षित बेरोजगार अभियंता यांनी दिनांक १७ फेब्रुवारी पासून सांगोला तहसील कार्यालयासमोर बेमुदत धरणे आंदोलन सुरू केले आहे. परंतु प्रशासनाकडून सदरचे आंदोलन बेदखल करण्यात आले असून आंदोलनाला आठवडा उलटला तरी प्रशासनाकडून कुठल्याही प्रकारची ठोस कारवाई करण्यात आली नाही असे आंदोलकांकडून सांगण्यात आले आहे.       अनुसूचित जाती व नवबौद्ध घटकांच्या वस्त्यांचा विकास करणे योजनेतील कामे अनुसूचित जाती व नवबौद्ध घटकातील सुशिक्षित बेरोजग...